Ordubad rayonunda sakinlərin təşəbbüsü ilə şəhidlər parkı salınıb. Bu barədə Report.az xəbər yayıb.
Dəstə kəndində yerləşən parkda bulaq-abidə də inşa olunaraq istifadəyə verilib. Ərazidə yüzlərlə ağac əkilib, rayon şəhidlərinin xatirə lövhələri vurulub.
Açılış münasibətilə keçirilən tədbirdə şəhid ailələri, qazilər, deputatlar və rayon ictimaiyyəti iştirak ediblər.
Ordubad Rayon İcra Hakimiyyəti başçısının müavini Elvin Məmmədov, deputat Cəbi Quliyev, YAP Ordubad Rayon Təşkilatının sədri Etibar İsmayılov və digərləri çıxış edərək Vətən müharibəsində qazandığımız şanlı qələbədən danışıb, Ordubad rayonunun vətənpərvər övladlarının bu döyüşlərdəki şücaətindən bəhs ediblər.
Tədbirə qatılan məktəblilər Vətənə, şəhidlərə həsr olunmuş şeirlər səsləndiriblər.
