Göygöl rayonunun Toğanalı kəndinin meşə zolağında sevgilisi ilə meyiti tapılan 1996-cı il təvəllüdlü Yasin İbrahimov özünə qəsd etməmişdən əvvəl məktub yazıb. Bu barədə 18 iyul tarixində Oxu.az mərhumun atasının sözlərinə istinadən bildirir.
“Məktubda "Ata, məni bağışla! Bir səhv idi, oldu. Özünə korluq vermə" cümləsi yazılmışdı. Məktubu da mənə oğlumun şəxsiyyət vəsiqəsi ilə birlikdə prokurorluq orqanlarında verdilər", - deyə Yasinin atası bildirib.
Qeyd edək ki, ötən gün Göygöl rayonunun Toğanalı kəndinin meşə zolağında iki nəfərin asılmış meyiti tapılmışdır. Polisin araşdırması zamanı Yasın İbrahimovun 1985-ci il təvəllüdlü Xocalı rayon sakini Esmira Əhliman qızı Mamedova ilə birgə Toğanalı kəndinin meşə zolağında özlərini asaraq intihar etmələri müəyyən olunub.
Göygöl Rayon Polis İdarəsinin əməkdaşları onların cəsədlərinin qalıqlarını aşkarlayıblar.
Faktla bağlı araşdırma aparılır.
