Fransanın paytaxtı Parisdə zibilyığanlar tətili martın 19-dək uzatmaq barədə qərar qəbul ediblər. Bu barədə İnsanoid xarici KİV-yə istinadən bu gün, 15 mart tarixində xəbər verir.
Turistlərin ziyarət etdikləri Parisin ən məşhur küçə və meydanlarında 6600 ton zibil toplanıb.
Həşəratlar və siçovullar tullantıların üstünə toplaşıb. Ətrafa üfunət yayılıb. Məlumata görə, sakinlər zibil dolu torbaların üzərindən atlanmağa məcbur olurlar.
Parisdə bir həftədir zibilyığanlar tətil edirlər. Onlar pensiya ilə bağlı yaş həddinin qaldırılmasına qarşı çıxırlar. Fransa hökuməti pensiya yaşını qadınlar üçün 57, kişilər üçün 59 yaşdan uyğun olaraq, 62 və 64-ə qaldırmaq istəyir.
Bundan başqa, zibilyığanlar aylıq əməkhaqqı və təqaüdün artırılmasını da istəyirlər. Hazırda onların təqaüdü ayda 1200 avro təşkil edir.
