Paytaxtın Sabunçu rayonunun Zabrat qəsəbəsində qəbiristanlıqda qəbir daşları dağıdılıb. Bu barədə İnsanoid DİN-in Mətbuat Xidmətinə istinadən bu gün, 19 aprel tarixində xəbər verir.
Qəbiristanlıqların birində naməlum şəxslər tərəfindən bir neçə qəbir daşının dağıdılması ilə bağlı araşdırma aparılır.
Faktla bağlı Sabunçu Rayon Polis İdarəsinin İstintaq şöbəsində Cinayət Məcəlləsinin 245-ci (qəbir üzərində təhqiredici hərəkət) maddəsi ilə cinayət işi açılıb. Əməli törədən şəxsin, yaxud şəxslərin müəyyən edilib istintaqa cəlb edilməsi istiqamətində tədbirlər görülür.
Tədbirlərin nəticəsi ilə bağlı məlumat veriləcək.
