“Qalatasaray” tarixində 23-cü dəfə Türkiyə çempionluğunu qazanıb. Bu barədə İnsanoid bu gün, 31 may tarixində xəbər verir.
“Aslan” Super Liqanın XXXVI turunda “Ankaragücü” üzərində səfər qələbəsi (4:1) qazanaraq, 2022/2023 mövsümünün qızıl medallarını təmin edib.
“Cim-bom” ən yaxın izləyicisi “Fənərbaxça”nı 5 xal qabaqlayaraq xallarının sayını 82-yə yüksəldib.
“Qalatasaray” həm də 4 illik çempionluq həsrətinə son qoyub. “Aslan” axırıncı dəfə 2018/2019 mövsümündə kuboku muzeyinə aparmışdı.
“Sarı-qırmızılar” bu mövsümün son oyununu iyunun 4-də öz meydanlarında məhz “Fənərbaxça”ya qarşı keçirəcək.
