Cənub - 1 kollektorunun Salyan rayonu ərazisindən keçən hissəsində aparılan profilaktiki-nəzarət tədbirləri zamanı sintetik tordan istifadə etməklə balıq ovu ilə məşğul olan rayonun Şəkərli kənd sakini Məmməd Abbasov saxlanılıb.
Bu barədə 26 may tarixində APA məlumat verib.
Həmin şəxsdən bir ədəd taxta qayıq, uzunluğu 17 metrdən artıq olan sintetik tor və qanunsuz olaraq ovlanmış 31 ədəd balıq aşkarlanaraq maddi sübut kimi götürülüb.
Araşdırmalar zamanı saxlanılan şəxsin təbiətə 1 023 manat miqdarında zərər vurması müəyyən edilib.
Faktla bağlı araşdırmalar davam etdirilir.
