Masallıda ötən gün baş verən qasırğa və yağan leysan yağışının vurduğu ziyan dəqiqləşdirilir. Bu barədə 22 aprel tarixində Report məlumat verib.
İlkin məlumatlara görə, rayonun Təzə Alvadı kəndində 30-a yaxın evin dam örtüyünə ziyan dəydiyi, 5 evin isə yaşayış üçün qəzalı olduğu müəyyən edilib.
Bundan başqa, güclü qasırğa və leysan yağışı ilə müşayiət olunan qeyri-sabit hava şəraiti nəticəsində elektrik təsərrüfatına da ciddi ziyan dəyib. Əkin sahələri subasmaya məruz qalıb.
Problemlərin aradan qaldırılması üçün işlər aparılır.
Masallı rayon Fövqəladə Hallar Komissiyası tərəfindən əhaliyə dəymiş ziyan hesablanır.
[gallery link="file" size="full" ids="113533,113534,113535"]
