Türkiyənin milli döyüş təyyarəsinin adını Rəcəb Tayyib Ərdoğan açıqlayıb. Bu barədə İnsanoid Türkiyə KİV-nə istinadən bu gün, 1 may tarixində xəbər verir.
“Milli döyüş təyyarəmizin adı “Kaan”dır”.
Türkiyə Prezidenti Rəcəb Tayyib Ərdoğan milli döyüş təyyarəsinin tanıdılması tədbirində çıxışı zamanı deyib.
“Xalqımıza, dövlətimizə xeyirli-uğurlu olmasını arzulayıram”, - o bildirib.
R.T.Ərdoğan Türkiyənin döyüş təyyarəsi istehsal etməsini tarixi gün kimi qiymətləndirib: “Bu gün müdafiə sənayesi sahəsində tarixi günlərimizi yaşayırıq. Son aylarda müdafiə sənayesi ilə bağlı ard-arda müjdələr veririk. Bunların da sırasında “TCG Anadolu” desant gəmisi, “Gökpey” təyyarəsi, “Yeni Altay” tankı, “İMECE” peyki var. Artıq həm havada, həm quruda, həm suda, həm də kosmosda sözümüzü deyə bilirik. Millətimizin xəyallarını bir-bir reallaşdırırıq”.
Türkiyə lideri daha sonra təyyarələrin pilotları ilə görüşüb.
