Rusiyada iki kişi sahilə çıxan və özbəkistanlıya aid olduğu ehtimal edilən cəsədlə şəkil çəkdirib, daha sonra onlar internetdə video yayıblar. Bu barədə 24 iyul tarixində İnsanoid "Mash" "Telegram" kanalına istinadən məlumat verir.
Hadisə Kaluqa vilayətində qeydə alınıb.
Bildirilir ki, 42 yaşlı Mixail Andreyev və 40 yaşlı Anton Kovalyov Tovarkovo qəsəbəsi yaxınlığındakı çimərlikdə istirahət edərkən suda boğulmuş şəxsin meyitini görüblər. Onlar bu barədə hüquq-mühafizə orqanlarına xəbər vermək əvəzinə, sosial şəbəkədə məşhurlaşmaq üçün videolar çəkiblər.
Hadisə hüquq mühafizə orqanları əməkdaşlarının diqqətindən yayınmayıb.
Andreyev və Kovalyov artıq saxlanılıblar. Onlara qarşı "Meyitlərə və dəfn yerlərinə qarşı təhqiredici hərəkətlər" maddəsi ilə cinayət işi açıla bilər. Bu maddəyə əsasən, onları 5 ilədək azadlıqdan məhrumetmə cəzası gözləyir.
[playlist type="video" tracklist="false" ids="186724"]
