Qırxbulaq çayının Şamaxı rayonunun Qaleybuğurd kəndi ərazisindən keçən hissəsində sel səbəbindən təhlükə ilə qarşılaşmış avtomobildə olan 3 nəfər çətin vəziyyətdə qalıb. Bu barədə İnsanoid Fövqəladə Hallar Nazirliyinə istinadən bu gün, 22 iyun tarixində xəbər verir.
Hadisə yerinə FHN-in Dövlət Yanğından Mühafizə Xidməti Şamaxı Rayon Yanğından Mühafizə Hissəsinin qüvvələri cəlb olunub.
Yanğınsöndürən-xilasedicilər müxtəlif vasitələrdən istifadə etməklə sel gələn çayda qalmış “NİVA” markalı minik avtomobilində olan 3 nəfəri xilas edərək təhlükəsiz əraziyə çıxarıblar.
