Şamaxıda kütləvi zəhərlənmə hadisəsi qeydə alınıb. Bu barədə 17 iyul tarixində APA məlumat yayıb.
Hadisə Şamaxının Məlikçobanlı kəndində qeydə alınıb.
Toyda iştirak edən 21 nəfər kəskin zəhərlənmə diaqnozu ilə rayon mərkəzi xəstəxanasına çatdırılıb.
10-a yaxın sakin təcili tibbi yardım avtomobili ilə çatdırılıb, digərləri isə xəstəxanaya özləri gəliblər.
Hazırda vəziyyətlərinin normal oldugu bildirilir. İlkin ehtimala görə, zəhərlənməyə toyda verilən tort səbəb olub.
Şamaxıda baş verən hadisənin səbəblərinin araşdırılması məqsədilə Qida Təhlükəsizliyi Agentliyinin mütəxəssisləri tərəfindən müvafiq qurumların əməkdaşları ilə birgə müvafiq araşdırmalara başlanılıb.
Hadisənin səbəblərinin müəyyənləşdirilməsi üçün vətəndaşa məxsus həyətyanı sahədə təşkil olunmuş toy mərasimində istehlak edilən müxtəlif qida məhsullarından nümunələr götürülərək laborator müayinələrə cəlb edilib.
Faktla bağlı araşdırmalar davam etdirilir.
