Türkiyədə hakim Ədalət və İnkişaf Partiyasının (“AK” Partiya) bürolarına silahlı hücum olub. Bu barədə İnsanoid Türkiyə KİV-lərinə istinadən bu gün, 22 aprel tarixində xəbər verir.
Yerli vaxtla saat 22:15 radələrində baş verən hadisədə ölən və ya yaralanan olmayıb. İstanbulun Bahçelievler rayonunun iki ayrı məhəlləsində “AK” Partiyasının seçki büroları qarşısında silah səsləri eşidilib.
“AK” Partiyasının İstanbul şəhəri üzrə sədri və İstanbul İcra Hakimiyyəti hücum cəhdi ilə bağlı açıqlama verib.
Açıqlamalarda seçki bürosunun qarşısından motosikletlə keçən iki nəfərdən birinin havaya atəş açdığı bildirilib.
Hadisə yerinə çoxlu sayda polis qrupu cəlb edilib.
Araşdırmalar davam edir.
