Siyəzən rayonunda 10 nəfər narkotacir saxlanılıb. Bu haqda 2 fevral tarixində Daxili İşlər Nazirliyinin Mətbuat Xidməti məlumat verib.
RPŞ-nin əməkdaşları tərəfindən narkotik vasitələri əldə etməsi, saxlaması, daşıması və satışı ilə məşğul olan Elman Qiyasov saxlanılıb. Həmin şəxsin üzərinə baxış keçirilən zaman bükülülərdə satış məqsədi ilə daşıdığı narkotik vasitə olan heroin aşkar olunaraq götürülüb.
Qeyd edək ki, polis əməkdaşları tərəfindən yanvar ayı ərzində keçirilən əməliyyatlar nəticəsində ümumilikdə 10 nəfər narkotacir ( Həsənağa Hüseynov, Gündüz Şıxəliyev, Çimnaz Bayramova, İntiqam Balayev, Xancan Bayramov, Elnur Eldarov, Hikmət Abbasov, Zöhrab Əmirquliyev və Ramin Əliyev) saxlanılıb, həmin şəxslərdən müxtəlif növ narkotik vasitələr aşkarlanıb.
Bütün faktlarla bağlı cinayət işi başlanılıb. Məhkəmənin qərarı ilə E.Qiyasovun barəsində həbs qətimkan tədbiri, digər şəxslərin barəsində isə polisin nəzarəti altına vermə qətimkan tədbiri seçilib.
