Tərtərdə 34 yaşlı kişi minaya düşüb. Bu barədə 9 mart tarixində Report məlumat verib.
Qeyd edilib ki, martın 9-u Tərtər rayonunun işğaldan azad olunmuş ərazisində 1989-cu il təvəllüdlü Yaquar Hadiyevin minaya düşməsi nəticəsində müxtəlif dərəcəli bədən xəsarətləri alması barədə rayon prokurorluğuna məlumat daxil olub.
Hazırda qeyd edilən faktla bağlı Tərtər Rayon Prokurorluğunda araşdırma davam etdirilir.
Minatəmizləmə Agentliyinin Mətbuat Xidmətindən bildirilib ki, mina partlayışı rayonun Çaylı kəndi ərazisində minalardan təmizlənməmiş ərazidə baş verib.
