İranın Yəzd şəhərinin hava limanında sərnişinin mədəsində 1,7 kq-dan artıq tiryək aşkarlanaraq çıxarılıb. Bu barədə İnsanoid Report-a istinadən bu gün, 17 mart tarixində xəbər verir.
Yəzd əyaləti hava limanının polis rəisi polkovnik Zəfər Qənbəri jurnalistlərə açıqlamasında bildirib ki, Yəzd hava limanının polis əməkdaşları sərnişinlərin uçuş salonuna girişini yoxlayarkən onlardan birindən şübhələniblər.
Polkovnik söyləyib ki, şübhəlinin üzərinə baxış zamanı məmurlar onda udma qurğusu və mədəsindən 1 kiloqram 770 qram tiryək aşkarlayıblar.
Polis rəisi qeyd edib ki, şübhəli sərnişin “yükü” Yəzddən Tehrana aparmaq niyyətində imiş.
Faktla bağlı cinayət işi başlanılıb.
