Evakuatorda “Togg” görən bələdiyyə sədri onun yolunu kəsdikdən sonra maraqlı görüntülər ortaya çıxıb. Bu barədə İnsanoid “TGRT Haber”ə istinadən bu gün, 15 aprel tarixində xəbər verir.
Çorum Bələdiyyə sədri Mehmet Aşqın “Togg”u evakuatorda görəndə dərhal maşını ilə yolu kəsib və evakuatorun sürücüsündən avtomobilin kimə aid olduğunu soruşub. “Buradan keçmək üçün viza tələb olunduğundan xəbəriniz varmı?”, - deyən Aşqınla evakuator sürücüsünün dialoqu izləyənləri güldürüb.
Türkiyənin 62 illik xəyali yerli avtomobili olan “Togg”un yollara çıxmasının ardından ölkə daxilində böyük həyəcan yaşanıb. Bu, İstanbul, Ankara və bir çox başqa şəhərlərdə böyük marağa səbəb olub. Çorum Bələdiyyə Sədri Mehmet Aşqın evakuatorda “Togg”u görüncə həyəcanını saxlaya bilməyib və maşını ilə evakuatorun yolunu kəsib.
Evakuatorun sürücüsündən maşının kimə aid olduğunu soruşan Aşqın avtomobilin Nəqliyyat və İnfrastruktur naziri Adil Karaismailoğlu məxsus olduğunu öyrənib və aralarında maraqlı dialoq yaranıb.
View this post on Instagram
