Türkiyədəki zəlzələlərdən sonra Hatayda dağıntılar altında qalan fenomen Taha Duymazın cansız cəsədi tapılıb. Bu barədə İnsanoid Türkiyə KİV-lərinə istinadən bu gün, 18 fevral tarixində xəbər verir.
Taha Duymazın iki qardaşının dağıntılar altında qaldığı bildirilib. Fenomenin bacısı Semiha Duymaz: "Kaş Allah heç kəsə bu ağrını yaşatmasın", - deyə bildirib.
Yemək bişirdiyi videoları ilə məşhurlaşan Taha Duymaz Kahramanmaraşda baş verən 7,7 və 7,6 bal gücündə zəlzələlərdən sonra Hatayda dağıntılar altında qalıb.
Axtarış-xilasetmə qrupları zəlzələdən 12 gün sonra Taha Duymaz və qardaşları Mələk və Umut Duymazın cansız cəsədlərini tapıb.
CZN Burak kimi tanınan şef Burak Özdemir deyib:
"Dostlar, Taha Duymaz və qardaşları dünyasını dəyişiblər. Allah rəhmət eləsin, məkanı cənnət olsun. Bütün pərəstişkarlarına və ailəsinə bir daha başsağlığı verirəm".
