Türkiyədə keçirilən prezident seçkilərinin qalibinin müəyyənləşməsi üçün 2-ci tur keçiriləcək. Bu barədə İnsanoid Türkiyə KİV-lərinə istinadən bu gün, 16 may tarixində xəbər verir.
“Yüksək Seçim Qurulu”nun sədri Əhməd Yənər namizədlərin prezident seçkilərində seçilmək hüququ qazana bilmədiyini açıqlayıb və ikinci turun mayın 28-i - bazar günü keçirilməsinə qərar verildiyini bildirib.
Sədr səsvermə zamanı səhhətində yaranan problemlərə görə həyatını itirən məntəqə zabiti və 2 seçici ilə bağlı başsağlığı verib.
Əhməd Yənər seçki prosesində çətin iş dövrü keçirən bütün personala və seçki qutularında çalışan dövlət məmurlarına təşəkkür edərək, nəticələri yetkinliklə gözləyən seçicilərə, onların işinə dəstək olan bütün dövlət qurumlarına və işçilərə təşəkkürünü bildirib.
