Ucarda məzun idarə etdiyi avtomobillə qəza törədib. Bu barədə 14 iyun tarixində APA məlumat verib.
Hadisə bu gün günorta Ucar - Zərdab yolunun Ucar rayonunun Qazyan kəndindən keçən hissəsində baş verib.
Belə ki, rayonun Qazyan kənd məktəbinin məzunu, 2006-cı il təvəllüdlü Nüsrət Müğdət oğlu Qasımovun idarə etdiyi "VAZ 21015" markalı minik maşını ilə Zərdab rayon sakininin idarə etdiyi "Mercedes" markalı maşın toqquşub. Nəticədə sürücü, N. Qasımov, onun sərnişini, 2002-cı il təvəllüdlü Sənan Ələsgər oğlu Bağırov və digər avtomobildə olan sərnişin, Zərdab rayon sakini, 1993-cü il təvəllüdlü Fəridə Saleh qızı Zeynalova müxtəlif xəsarətlər alıblar.
Onlar Ucar Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
[gallery link="file" columns="1" size="full" ids="119080"]
