Xaçmazda avtomobil velosipedçini vuraraq öldürüb. Bu barədə 6 may tarixində Report məlumat verib.
Hadisə Xudat-Qusar avtomobil yolunun Xaçmaz rayonu, Köhnə Xudat kəndi ərazisindən keçən hissəsində baş verib.
Belə ki, 1993-cü il təvəllüdlü Seymur Dusmətov 05.05.2023 tarixində idarə etdiyi “Opel Vectra” markalı avtomobillə Qusar şəhəri istiqamətində hərəkətdə olarkən yol hərəkəti qaydalarını pozaraq yolun sağ hərəkət hissəsindən sol hərəkət hissəsinə keçmək istəyən velosipedçi, 1998-ci il təvəllüdlü Sənan Həmrayevi vuraraq öldürüb.
Faktla bağlı “yol hərəkəti və nəqliyyat vasitələrinin istismarı qaydalarını pozma” maddəsi ilə cinayət işi başlanılaraq istintaq aparılır.
