“TikTok” sosial şəbəkəsində “Xaqocan” ləqəbi ilə tanınan Xəqani Hüseynov həbs edilib. Bu barədə İnsanoid Qafqazinfo-ya istinadən bu gün, 4 may tarixində xəbər verir.
DİN-in Mətbuat Xidmətindən bildirilib ki, Xəqani Hüseynov barəsindəki şikayət əsasında Nərimanov RPİ-nin 18-ci Polis Bölməsinin əməkdaşları tərəfindən saxlanılıb.
Tanınmış tiktoker paytaxt sakini Azər Əmirovu söyərək təhqir etməkdə günahlandırılır. Xəqani Hüseynov barədə şikayət araşdırılıb və onun barəsində İnzibati Xətalar Məcəlləsinin 510-cu, yəni xırda xuliqanlıq maddəsi əsasında protokol tərtib edilib.
Nərimanov Rayon Məhkəməsinin qərarı ilə Xəqani Hüseynova 10 sutka inzibati həbs verilib.
“TikTok”da 883,3 min izləyicisi olan X.Hüseynov həmin platformada müxtəlif şəxslərə maddi yardım göstərməsini əks etdirən videolar paylaşmağı ilə tanınıb.
[caption id="attachment_114733" align="alignnone" width="696"]
Foto açıq mənbədən[/caption]
