Yaponiyanın Yamaqata şəhərində gündə bir dəfə gülmək məcburi öhdəlik kimi qoyulub. Bu barədə İnsanoid Xarici KİV-yə istinadən bu gün, 11 iyul tarixində xəbər verir.
Yaponiya siyasətçiləri infarktla mübarizə üçün fərqli bir yol tutmağa qərar verib.
Yamaqata şəhərinin şura üzvləri gülüşün infarkt riskini azaltdığına dair elmi araşdırmaya istinad edərək, şəhərdə yaşayan hər kəsin gündə bir dəfə gülməsini məcburi edib.
Sözügedən qanun layihəsini parlamentə çoxluğa sahib olan mühafizəkar Liberal Demokrat Partiyası təklif edib.
Bundan əlavə, müəssisələrə "gülüşlə dolu bir iş mühiti yaratmaq" əmri verilib. Hər ayın səkkizinci günü xüsusi səylə təşviq ediləcək "gülüş günü" olaraq təyin edilib.
Layihə parlamentin müxalifət qanadında olanları qəzəbləndirib və müzakirələrə səbəb olub. Yaponiya Kommunist Partiyasının şura üzvü Toru Seki deyib:
"Gülmək və ya gülməmək, fikir və inanc azadlığı ilə yanaşı, konstitusiya ilə təbii azadlıq kimi təmin edilən əsas insan hüquqlarından biridir".
