Paytaxtın Yasamal rayonunda son 20 gün ərzində narkotiklərin qanunsuz dövriyyəsi ilə məşğul olan 30 nəfər saxlanılıb. Bu barədə aprelin 27-də Daxili İşlər Nazirliyindən məlumat verilib.
Onlardan ümumilikdə 29 kiloqram 90 qram heroin, marixuana, tiryək və metamfetamin aşkar olunub.
Saxlanılanlardan biri narkotik təsiri altında taksi fəaliyyəti ilə məşğul olub, ikisi isə yaşadığı evdə narkotik istifadəçiləri üçün tiryəkxana təşkil edib. Rayonun Zivərbəy Əhmədbəyov küçəsində yerləşən narkotik istifadəçilərinin toplaşdığı yarımtikili də nəzarətdə saxlanılıb.
Aşkar edilən bütün faktlarla bağlı cinayət işi başlanılıb. Saxlanılan şəxslərin hər biri barəsində məhkəmə tərəfindən həbs qətimkan tədbiri seçilib.
