Ötən il Zaqatalada itən turisti tapana 200 min manat veriləcək. Bunu turistin anası öz müraciətində bildirib.
Bu barədə 24 aprel tarixində Lent.az məlumat verib.
"Manikant Kondaveeti 2022-ci il mayın 13-də Zaqatala rayonunda itkin düşüb. Biz onunla sonuncu dəfə həmin il mayın 12-də əlaqə saxlamışıq. Sonra o, tək halda meşəlik sahəyə yollanıb və bir daha heç kim ondan məlumat ala bilməyib”, - turistin anası söylərib.
Ailəsi Manikantı tapana veriləcək mükafatın şərtlərini də açıqlayıb:
1) Bu mükafat yekun məbləğdir və onu ən qısa zamanda tapan şəxslər arasında bərabər qaydada bölünəcək.
2) Oğlumun yeri ilə bağlı yalan məlumat verən şəxslər haqqında hüquqi prosedur tətbiq ediləcək.
3) Heç bir şəxsi hər hansı ciddi xəsarət və ya ölümlə nəticələnən riskləri öhdəliyinə götürməyə sövq etmirik və buna görə də məsuliyyət daşımırıq.
4) Pul mükafatı ancaq itkin düşən şəxs sağ-salamat tapıldığı halda veriləcək.
5) Manikantın harada olması barədə hər hansı məlumat verən şəxs ədalətli şəkildə mükafatlandırılacaq.
6) Bu şərtləri pozan hər kəsə mükafat verməkdən imtina etmək hüququnu özümüzdə saxlayırıq.
