Ağdam Sənaye Parkının ərazisinin işıqlandırılmasında yerli istehsal olan günəş panellərindən istifadə edilir. Bu barədə 3 dekabr tarixində iqtisadiyyat naziri Mikayıl Cabbarov öz Twitter səhifəsində məlumat verib.
Nazirin sözlərinə görə, azad edilmiş ərazilərin “yaşıl” enerji zonasına çevrilməsi əsas prioritetlərdəndir.
Ağdam Sənaye Parkında sosial zonanın təşkili istiqamətində işlər artıq yekunlaşdırılıb. Park işıq və su ilə təmin olunub.
Parkın ərazisində reallaşdırılacaq ilkin 5 layihə üzrə 1100-dən çox iş yerinin yaradılması nəzərdə tutulub.
Ağdam Sənaye Parkı 2021-ci ilin may ayında yaradılıb. Hal-hazırda parkın infrastrukturunun qurulması işləri aparılır. Parkın fəaliyyəti üçün Ağdam şəhərinin yaxınlığında 190 hektarlıq ərazi ayrılıb. Parkın infrastrukturunun yaradılması məqsədilə dövlət büdcəsindən 500 min manat ayrılıb.
Azad edilmiş ərazilərimizin “yaşıl” #enerjizonası-na çevrilməsi və yerli resurslardan səmərəli istifadə əsas prioritetlərdəndir. #Ağdam #SənayeParkı-nın ərazisinin işıqlandırılmasında yerli istehsal olan #günəşpanelləri-ndən istifadə edilir.#İqtisadiZona #İZİA #EconomyAz pic.twitter.com/eLddjktwPU
— Mikayil Jabbarov (@MikayilJabbarov) December 3, 2021
