Azərbaycanın müxtəlif bölgələrində 3 sentyabr tarixində yanğınlar baş verib. Hadisələr barədə FHN məlumat verib.
Bakının Sabunçu rayonunda ümumi sahəsi 45 kv/m olan evdə kağız və parça tullantıları, evin çöl divarına quraşdırılan 1 ədəd elektrik sayğacı qismən və hasara quraşdırılan 1 ədəd qaz sayğacı yanıb. Yanğın zamanı 2 nəfər xəsarət alıb.
Biləsuvar rayonu Xırmandalı kəndində yem anbarında yanğın olub. Alovun söndürülməsinə kömək edən ev sahibinin 22 yaşlı qonşusu tüstüdən zəhərlənib. Xəsarət alan xəstəxanaya çatdırılıb.
Ucar rayonu Alpout kəndində ümumi sahəsi 210 kvadrat olan ev yanıb. Hadisə zamanı qonşu həyətdəki iki yük maşınlarını yanğından kənarlaşdırmaq istəyərkən xəsarət alıb.
İmişli rayonu Məmmədli kəndində və Ağcabədi rayonu Hüsülü kəndində fermalarda yanğın hadisələri qeydə alınıb.
Ağdam rayonu Çəmənli kəndində ümumi sahəsi 60 kv/m olan, Balakən rayonu Qabaqçöl qəsəbəsində isə 300 kv/m olan fərdi yaşayış evlərində yanğın baş verib.
Yanğınlar söndürülüb. Faktlarla bağlı araşdırmalar davam edir.
İsmayıllı rayonu Keyvəndi kəndi yaxınlığında dağlıq ərazidə isə yanğının söndürülməsi istiqamətində tədbirlər davam etdirilir. İlkin məlumata əsasən, dağlıq ərazidə 5 hektar sahədə quru ot və kol-kos yanır.
FHN-nin məlumatına əsasən, ötən sutka ərzində 147 yanğına çıxış qeydə alınıb.
