Bu ilin yanvar-iyul aylarında Azərbaycandan 36 ölkəyə 14.915 aviareys təşkil olunub. Bu barədə İnsanoid Dövlət Turizm Agentliyinin hesabatına istinadən bu gün, 5 avqust tarixində xəbər verir.
Bu, 2023-cü ilin eyni dövrü ilə müqayisədə müvafiq olaraq 4 ölkə (12,5%) və 2546 aviareys (20,6%) çoxdur.
Hesabat dövründə Azərbaycandan ən çox Rusiyaya 4342 reys təşkil olunub. Bu da ötən ilin eyni dövrü ilə müqayisədə 11,6% çoxdur.
İyul ayında Azərbaycandan xaricə təşkil olunan aviareyslərin sayı 12,6% artaraq 2645 təşkil edib. Ötən ay Rusiyaya 718 reys təşkil olunub ki, bu da ötən ilin iyul ayı ilə müqayisədə 10,1% çoxdur.
7 ay ərzində Rusiyadan sonra ən çox Azərbaycandan Türkiyəyə aviareys təşkil olunub. Bu ölkəyə 3322 reys olub ki, bu da illik müqayisədə 7,2% çoxdur.
İlk üçlüyə 1752 reyslə (+33,1%) Birləşmiş Ərəb Əmirlikləri daxil olub. Daha sonra, top-10-luğa Gürcüstan 1163 (35% çox), Səudiyyə Ərəbistanı 508 (4,9% az), Qazaxıstan 460 (5% çox), Hindistan 373 (7,4 dəfə çox), Qətər 345 (63,5% çox), Küveyt 248 (24,6% çox) və Özbəkistan 246 (56% az) daxil olub.
