Bakıda xarici narkotacirlər üçün kuryerlik edən şəxs saxlanılıb. Bu haqda noyabrın 10-da Daxili İşlər Nazirliyi (DİN) məlumat yayıb.
Belə ki, paytaxt sakini Aydın Məmmədov polis tərəfindən Sabunçu rayonunda tutulub. Onun üzərindən və idarə etdiyi avtomobildən 2,14 kiloqram heroin və 130 qram psixotrop maddə metamfetamin aşkar edilərək götürülüb.
Araşdırma zamanı saxlanılan şəxsin beynəlxalq narkoşəbəkəyə daxil olduğu müəyyən edilib. Aydın Məmmədov vasitəsilə narkotik paytaxtda müxtəlif ünvanlara yerləşdirilib və onun qanunsuz dövriyyəsi təşkil edilib.
Faktla bağlı cinayət işi başlanılıb.
DİN-in məlumatına əsasən, bu ilin 9 ayı ərzində 2,7 ton narkotik dövriyyədən çıxarılıb. Ümumilikdə narkotiklə bağlı 6 420 fakt qeydə alınıb.
