Bakıdakı 47 nömrəli tam orta məktəb bağlanıb, “Ankara məktəbi” məktəb-liseydə isə karantin uzadılıb. Bu barədə məlumat noyabrın 1-də verilib.
47 nömrəli məktəbdə 25 şagird və 4 müəllimin koronavirus infeksiyasına yoluxduqları təsdiq olunub. Buna görə təhsil müəssisəsində dərslər 14 gün onalyn formada keçiriləcək.
Bundan öncə, oktyabrın 19-da bağlanmış “Ankara məktəbi”nin isə daha bir neçə müəllim və şagirdində COVID-19 virusu aşkarlanıb. Sabah karantin müddəti başa çatmalı olan liseydə təhsil daha 14 gün distant olacaq.
Azərbaycanda ümumilikdə 4432 orta məktəb fəaliyyət göstərir. Onlardan 31-i distant təhsilə keçid edib.
