Bakının Sabunçu rayonunda 7 sentyabr tarixində Zabrat, Bilgəh, Bakıxanov, Balaxanı və digər qəsəbələrdə narkotik vasitələrin satışı ilə məşğul olan 16 nəfər saxlanılıb. Bu barədə DİN məlumat verib.
İkisi qadın olmaqla bütün şübhəli bilinənlər narkotiklərin qanunsuz dövriyyəsi ilə məşğul olduqlarını etiraf ediblər.
Saxlanılanlardan birində bir kiloqramdan artıq heroin aşkar edilib. O, narkotikləri xaricdən onlayn aldığını və Zabrat, Bilgə və Balaxanıda satdığını deyib.
Digər saxlanılan şəxslərdən, ata və oğlundan 15 qram heroin, 14 büküm metamfetamin, 71 qram marixuana aşkar edilib.
Faktlarla bağlı araşdırmalar davam edir.
