Bakıda "İdeal" şadlıq evinin fəaliyyəti dayandırıldı.
İnsanoid.com xəbər verir ki, Fövqəladə Hallar Nazirliyinin Dövlət Yanğın Nəzarəti Xidməti, Bakının Yasamal rayonu, Abbas Mirzə Şərifzadə küçəsində yerləşən "İdeal" şadlıq evinin fəaliyyətini dayandırıb.
Yoxlama zamanı obyektin yanğın təhlükəsizliyi qaydalarına ciddi şəkildə əməl etmədiyi və insan həyatı üçün təhlükə yaratdığı müəyyən edilib. Əsas nöqsanlar arasında yanğınxəbərverici siqnalizasiya sisteminin tam quraşdırılmaması, elektrik təsərrüfatında ciddi problemlər, odsöndürən balonların çatışmazlığı və təxliyə planının olmaması göstərilib.
Nazirlik bəyan edib ki, bu nöqsanlar aradan qaldırılmadan obyektin fəaliyyətinin bərpasına icazə verilməyəcək.
