Bakı Dövlət Universitetinin “SABAH qrupları”nın 2 qrupu distant təhsilə keçib. Həmin qruplarda koronavirusa yoluxma halları qeydə alınıb. Bu barədə oktyabrın 18-də BDU-nun mətbuat katibi məlumat verib.
Bundan əlavə, Azərbaycan Dövlət Neft və Sənaye Universitetinin “SABAH qrupları”nda magistratura pilləsində oxuyan 1 tələbədə koronavirus aşkarlandığı üçün qrup distant təhsilə keçib.
Azərbaycan Tibb Universitetinin 5 qrupunda koronavirus yayıldığı üçün həmin qruplar da təhsillərini distant olaraq davam etdirəcəklər.
Bundan əvvəl, Azərbaycan Texniki Universitetin 3 tələbəsində koronavirus aşkarlanıb. Bu səbəbdən həmin tələbələrin təhsil aldığı qruplarda 14 gün müddətinə dərslər onlayn şəkildə keçiriləcək.
