Beynəlxalq Oğuz Türkcəsi Konfransı bu il Azərbaycanda keçiriləcək. Bu barədə 6 sentyabr tarixində Report xəbər verib.
Azərbaycan Mİlli Elmlər Akademiyasının (AMEA) prezidenti akademik İsa Həbibbəyli yeni iş mövsümünün başlanılması münasibətilə keçirilmiş müşavirədə çıxış edib.
O bildirib ki, Atatürk Kültür, Dil və Tarix Yüksək Qurumunun tərkibinə daxil olan Dil Qurumunun hər il ənənəvi olaraq keçirdiyi Beynəlxalq Oğuz Türkcəsi konfransı bu ilin sentyabrında Azərbaycanda AMEA ilə birgə keçiriləcək.
Bu konfrans qurumun tarixində ilk dəfə olaraq, Türkiyədən kənarda baş tutacaq.
Akademik beynəlxalq konfransın ümummilli lider Heydər Əliyevin və Türkiyə Cümhuriyyətinin 100 illik yubileylərinə həsr ediləcəyini vurğulayıb.
