“Müəllimlər Günü” 5 oktyabr 1966-cı ildə YUNESKO tərəfindən təsis olunub. Həmin gün YUNESKO və Beynəlxalq Əmək Təşkilatının birgə konfransında “Müəllimlərin statusu haqqında” Tövsiyə qəbul edilib. Bu sənəd müəllimlərin iş şəraitini müəyyən edən ilk beynəlxalq sənəd idi.
1993-cü ildə isə Ulu öndər Heydər Əliyev bu bayramın müstəqil Azərbaycanda qeyd edilməsi haqda Sərəncam imzalayıb.
Ümummilli lider Heydər Əliyev müəllim peşəsini yüksək qiymətləndirirdi. Bununla bağlı o, belə deyirdi: “Həyatını müəllimliyə həsr edən insanlar həqiqətən fədakar, xalqına, millətinə sədaqətli və eyni zamanda qəhrəmanlıq göstərən insanlardır”.
