Futbol üzrə Azərbaycan millisi 2022-ci il dünya çempionatının seçmə mərhələsində Portuqaliyaya 3:0 hesabı ilə məğlub olub.
Oyun portuqaliyalıların hücumu ilə başlayıb. Rəqibin yarımmüdafiəçisi Bernardu Silva matçın 26-cı dəqiqəsində hesabı açıb. Cəmi 7 dəqiqə sonra qonaqlar ikinci qolu vurublar. Bu dəfə Andre Silva adını tabloya yazdırıb.
İlk yarı Portuqaliyanın 2:0 hesablı üstünlüyü ilə yekunlaşıb. Fasilədən sonra oyununun 75-ci dəqiqəsində 3-cü topu millimizin qapısından Diequ Jota keçirib.
Oyunun nəticəsinə əsasən, Portuqaliya yığması A qrupunda ilk pilləyə yüksəlib. Azərbaycan isə 1 xalla sonuncu yeri tutub.
