Azərbaycanda son dövrlərdə ödəniş kartları ilə bağlı fırıldaqçılıq əməliyyatlarına rast gəlinir. Bu mövzunu 26 avqust tarixində vergiler.az saytına bank mütəxəssisi Bəxtiyar Məmmədov şərh edib.
Kart sahiblərinə kartdan istifadə zamanı bir neçə təhlükəsizlik qaydalarına riayət etmək tövsiyyə olunur:
- Heç bir şəxsə kartın üzərindəki 16 rəqəmli nömrədən başqa digər məlumatların göndərilməsi məsləhət görülmür;
- Kartın arxa hissəsində yerləşən CVV/CVC kodlarının kənar şəxslərə təqdim etmək tövsiyə edilmir;
- 3D secure xidmətini dəstəkləyən kartlarda SMS ilə əldə olunan birdəfəlik şifrəni digər şəxslərə bildirmək qətiyyən olmaz;
- Başqa şəxsə vəsait göndərdikdə (ödədikdə) həmin şəxsə kart nömrəsini təqdim etməyə ehtiyac yoxdur;
- Şübhəli və qeyri-müəyyən saytlardan alış-veriş etmək məsləhət görülmür;
- Sayt vasitəsi ilə ödəniş və ya alış-veriş etdikdə saytda qıfıl işarəsinin olduğuna diqqət edilməlidir. Əgər “not secure” yazısı varsa, bu saytda əməliyyat aparmaq təhlükəlidir;
- Heç bir halda telefon və mail vasitəsi ilə kənar şəxslərə kart məlumatlarını təqdim etmək olmaz.
Azərbaycanda ödəniş kartları ilə bağlı fırıldaqçılıq halları haqqında 6 avqust tarixində
Azərbaycan Banklar Assosiasiyası bank müştərilərinə müraciət etmişdir.
