Bugün, noyabrın 17-də Milli Məclisdə bir sıra layihələr üzrə təklif edilən dəyişikliklər qəbul edilib. Edilən dəyişikliklər 1-ci oxunuşda təsdiqlənib. Bu barədə Report məlumat verib.
- İstehsal tarixi 3 ildən və mühərrikinin həcmi 2 500 kubsantimetrdən çox olmayan hibrid avtomobillərin Azərbaycana idxalı və satışı - 2022-ci il yanvarın 1-dən 3 il müddətinə vergi ödəməkdən azad ediləcək;
- Azərbaycana gətirilən elektrik mühərriklə işləyən avtomobillər üçün enerji doldurucuları 2022-ci ilin yanvarın 1-dən 3 il müddətinə ƏDV-dən azad ediləcək;
- Gələn ildən tibbi xidmətlərə görə ödənilən ƏDV-ni geri almaq mümkün olacaq;
- Avtomobillər, alkoqollu içkilər və tütün məmulatlarına ödənilən ƏDV geri alınmayacaq;
- İri mühərrikli avtomobillərin aksiz vergisi artırılacaq;
- Kitabların idxalı və satışı ƏDV-dən azad olunacaq;
- Spirt, tündləşdirilmiş içkilər və konyak üçün aksiz vergisinin dərəcəsi hər litr üçün 80 qəpik artırılaraq 4 manat təşkil edəcək;
- Elektron siqaret, qəlyan və onların əvəzediciləri aksizli malların siyahısına daxil ediləcək;
- Tütündən hazırlanan siqaretlər və onun əvəzedicilərinin 1000 ədədinə tətbiq olunan 35 manat aksiz dərəcəsi 38,5 manata qaldırılacaq.
