Füzulidə sərxoş kişi xəstə olan anası üçün çağırışa gələn tibb işçilərini təhqir edib. Bu barədə 3 yanvar tarixində Daxili İşlər Nazirliyinə istinadən Report xəbər verib.
Məlumata görə, polis əməkdaşları Qayıdış qəsəbəsindəki ünvana gələrək S.Hüseynovu intizama dəvət ediblər, lakin o, polis əməkdaşlarına tabesizlik göstərib. Daha sonra həmin şəxs saxlanılıb və onun sərxoş vəziyyətdə olması müəyyən edilib.
Onun barəsində İnzibati Xətalar Məcəlləsinin “Xırda xuliqanlıq” və “Polis işçisinin və ya hərbi qulluqçunun qanuni tələbinə qəsdən tabe olmama” maddələri ilə protokol tərtib edilib.
