Türkiyənin xarici işlər naziri Hakan Fidan Ermənistanla tarixi və formal sülhün həqiqətən regionda dönməz sabitlik, firavanlıq və inkişafa yol açacağına inandıqlarını bəyan edib.
İnsanoid.com Türkiyə KİV-ə istinadən bildirir ki, Hakan Fidan bu fikri oktyabrın 18-də Türkiyənin İstanbul şəhərində keçiriləcək “3+3” formatında görüşə toxunarkən deyib.
“Biz inanırıq ki, Ermənistanla tarixi və formal sülh həqiqətən regionda dönməz sabitlik, rifah və inkişafa yol açacaq”, - Fidan bildirib.
O vurğulayıb ki, “3+3” regional məşvərət platformasının üçüncü iclasının müzakirələri təkcə Ermənistan və Azərbaycanın deyil, bütün Qafqaz regionunun məsələlərinə yönələcək.
Türkiyənin xarici işlər naziri əlavə edib ki, Ankara “3+3” platformasını yüksək qiymətləndirir və region ölkələrinin problemlərini həll etmək üçün birləşməli olduğunu vurğulayıb.
