Aprelin 25-də Azərbaycanda sahibkarlar günüdür. Bununla bağlı İçərişəhərdə “KOB Fest” – sərgi-satış yarmarkası təşkil olunub. İnsanoid tədbirin ən rəngarəng görüntülərini oxucularına təqdim edir.
Qoşa Qala Meydanında qurulan çadırlarda 100-ə yaxın mikro və kiçik sahibkarın 1000-dən çox məhsulu təqdim edilir. Yarmarkada qida və qeyri-qida məhsulları, yaradıcı şəxslərin əl işləri nümayiş olunur.
Sərgidə qida sənayesindən bal, süd məhsulları, şokolad və şirniyyat, zəfəran satışa çıxarılıb. “Xan Nənə”-nin məhsulları Neftçalanın Bankə kəndindən gətirilib. Sevinc xanımın sözlərinə görə, bütün məhsulları o, öz əlləri ilə hazırlayır.
[gallery columns="2" size="large" link="file" ids="44205,44206"]
“Alienetto” şokoladlarını hazırlayan Aysel xanım bildirib ki, məhsulun xam malı Belçika, Ukrayna və Rusiyadan gətirilir. Qiymətlər isə 3-20 manat arasında dəyişir. Müsahibimiz, həmçinin məlumat verdi ki, gələn ay Azadlıq prospektində kafesi açılacaq.
[gallery columns="1" size="large" link="file" ids="44207"]
Yarmarkada nümayiş olunan ballar, əsasən, cənub bölgəsindən gətirilmişdir.
[gallery size="large" columns="1" link="file" ids="44208"]
Eyni zamanda, ziyarətçilər burada müxtəlif əl işləri ilə də tanış ola bilərlər.
“Nurr.Accessories”-in yaradıcısı Nərmin xanım məlumat verdi ki, əl işlərinin hazırlanmasına bir saatdan bir günədək vaxt sərf eləyir. Qiymətlər isə daha çox sərf olunan materialdan asılı olur. Onun söylədiyinə görə, bu günə kimi ən baha satdığı aksesuar 150 manata olub.
[gallery columns="1" size="large" link="file" ids="44209"]
Muncuqdan hazırlanmış çantaların qiymətləri ölçüsündən asılı olaraq 15-45 manat arasında dəyişir.
[gallery columns="2" size="large" link="file" ids="44210,44211"]
Bundan başqa, festivalda sabundan, taxtadan, gildən hazırlanan məhsullar da görmək olar.
[gallery columns="4" size="large" link="file" ids="44216,44217,44218,44219,44215,44214,44213,44212"]
