Kürdəmir və Bakının Nəsimi Rayon İcra Hakimiyyətinə yeni başçılar təyin edilib.
AZƏRTAC xəbər verir ki, bununla bağlı Prezident İlham Əliyev Sərəncam imzalayıb.
Dövlət başçısının imzaladığı sənədə əsasən, Elxan Oqtay oğlu İbrahimov Bakı şəhəri Nəsimi Rayon İcra Hakimiyyətinin başçısı təyin edilib.
Prezidentin bundan əvvəl imzaladığı Sərəncama əsasən, Elxan İbrahimov Kürdəmir Rayon İcra Hakimiyyətinin başçısı vəzifəsindən azad edilib.
Kürdəmir Rayon İcra Hakimiyyətinin başçısı vəzifəsinə isə dövlət başçısının Sərəncamı ilə Elşən Nazim oğlu Həsənli təyin edilib.
