Lənkəranda ana və oğul bıçaqlanıb. Bu barədə 18 aprel tarixində APA məlumat yayıb.
Hadisə gecə saatlarında Separadi kəndindəki fermalardan birində baş verib. 2003-cü il təvəllüdlü Firqət Ağazadə zərərçəkmişin fermasına gələrək həyətdə gizlənib. Bir müddətdən sonra o, qadının üz və kürək nahiyəsinə 2 dəfə bıçaqla zərbə endirib.
Anasının səsinə gələn oğul da hücuma məruz qalıb. Daha sonra isə cinayətkar özünə xəsarətlər yetirib. Hər üç şəxs xəstəxanaya çatdırılıb. F. Ağazadə tibbi yardım edildikdən sonra polis şöbəsinə təhvil verilib.
Qeyd edilib ki, hücum edən şəxs həmin fermada iki gün fəhlə işləyib. Hadisənin səbəbi məlum deyil.
Faktla bağlı araşdırma aparılır.
