Azərbaycan Cənubi Qafqazda İtaliyanın əsas ticarət tərəfdaşıdır. İtaliyanın Cənubi Qafqazla apardığı ticarətin 95%-i Azərbaycanın payına düşür. Bu sözləri Prezident İlham Əliyev İtaliyanın xarici işlər və beynəlxalq əməkdaşlıq naziri ilə keçirdiyi görüşdə söyləyib.
“Azərbaycan İtaliyaya neft təchizatının bir nömrəli mənbəyidir. İndi isə Cənub Qaz Dəhlizi layihəsinin tamamlanması ilə önəmli qaz təchizatçısına çevrildik və biz qaz təchizatında 3-cü yerdəyik”, - deyə dövlət rəhbəri bildirib.
İlham Əliyev çıxışı zamanı qeyd edib ki, ötən il İtaliyaya ölkəmiz tərəfindən 7 milyard kubmetr qaz təchiz edilib.
Ölkə başçısı, həmçinin vurğulayıb ki, italyan şirkətləri azad edilmiş ərazilərin bərpa-quruculuq işlərində fəal iştirak edirlər: “Hazırda 3 şəhərdə İşğal və Zəfər muzeyləri İtaliya şirkətləri tərəfindən inşa olunur. Şuşada qədim məscidin bərpası və yeni məscidin inşası da İtaliya şirkətləri tərəfindən həyata keçirilir”.
11:50
***
Prezident İlham Əliyev İtaliyanın xarici işlər və beynəlxalq əməkdaşlıq naziri Luici Di Maionun başçılıq etdiyi nümayəndə heyəti ilə görüş keçirib. Bu barədə 2 aprel tarixində dövlət başçısının mətbuat xidməti məlumat yayıb.
