Azərbaycanlı şahmatçı Şəhriyar Məmmədyarov Aimchess US Rapid turnirinin ¼ finalına vəsiqə qazanıb. İlk mərhələnin son görüşündə qrosmeyster kanadalı Erik Hansenlə heç-heçə edib.
Növbəti mərhələdə Şəhriyar Məmmədyarovun rəqibi erməni şahmatçı Levon Aronyan olacaq. İlk qarşılaşmada şahmatçımız qara fiqurlarla oynayacaq. Görüşlər 31 avqust və 1 sentyabr tarixlərində baş tutacaq. Mərhələnin qalan görüşlərində Artemyev - Dominqez, Firudja - So, Karlsen isə Duda ilə qarşılaşacaq.
Aimchess US Rapid turniri 28 avqust tarixindən keçirilir. 16 şahmatçının qatıldığı turnirin mükafat fondu 100 min dollar təşkil edir. Qalib 5 sentyabrda müəyyənləşəcək.
