SOCAR-ın sabiq vitse-prezidenti Mikayıl İsmayılovun oğlu — Orxan İsmayılzadə aliment borcunu ödəmədiyi üçün növbəti dəfə axtarışa verilib.
Musavat.com xəbər verir ki, bu barədə təqdimatı icra məmuru Gülara Məmmədova verib, Sabunçu Rayon Məhkəməsinin hakimi Şəbnur Qədirova isə təqdimatı əsaslı sayaraq Orxan İsmayılzadənin polis tərəfindən saxlanılması və icra orqanına təhvil verilməsi barədə qərar çıxarıb.
Orxan İsmayılzadə barəsində bu, ilk axtarış qərarı deyil. O, daha əvvəl də məhkəmə qərarlarını icra etmədiyinə və aliment ödəməkdən yayındığına görə axtarışa verilmişdi.
Məhkəmə qərarına əsasən, Orxan İsmayılzadə qızı Nil Abbasovanın saxlanması üçün hər ay 500 manat aliment ödəməlidir. Lakin o, nə ödəniş edib, nə də məhkəmələrin təyin etdiyi atalıq testindən keçib — artıq 7 dəfə bu prosesdən yayınaraq məsuliyyətdən qaçıb.
Qanuna əsasən, atalıq testindən imtina edən şəxs nəticə ilə razı sayılır. Beləliklə, məhkəmələr Nil Abbasovanın Orxan İsmayılzadənin qızı olduğunu rəsmi şəkildə tanıyıb.
İcra sənədlərinə əsasən, onun əmlakına da həbs qoyulub. Lakin milyonlarla dəyəri olan mülklərə malik ailənin varisi qızına ayda cəmi 500 manat ödəməkdən yayınır.
İctimaiyyətdə sual yaranır:
> “Əgər milyonların varsa, dövlətin qərarını pozmaq hüququn varmı?”
Bu məsələ artıq təkcə bir ailənin deyil, cəmiyyətin ədalət prinsiplərinin sınağına çevrilib.
