Azərbaycan Müdafiə Nazirliyi oktyabrın 9-da atəşkəsin pozulması ilə bağlı Ermənistan tərəfindən yayılan məlumatın yalan olduğunu bildirib.
Bir neçə saat öncə Ermənistan mətbuatında Ağdərə istiqamətində Azərbaycan ordusunun atəşi nəticəsində traktor sürücüsünün həlak olması bildirilmişdir. Əlavə olaraq, Arazdəyən istiqamətində erməni hərbçisinin yaralanması barədə məlumat yayılmışdır.
Daha öncə, sentyabrın 1-də Ermənistan Müdafiə Nazirliyi Naxçıvan istiqamətində erməni hərbçisinin snayper atəşi nəticəsində həlak olması barəsində xəbər yaymışdır. Azərbaycan Müdafiə Nazirliyi bu xəbəri təkzib etmişdir.
