Müəyyən edilib ki, Elton Məmmədov Azərbaycan Milli Elmlər Akademiyasında işlədiyi dövr ərzində 3 milyon manata yaxın pul vəsaitini mənimsəyib. Maliyyə pozuntularını təsdiq edən sənədlər və digər sübutlar iş materiallarına əlavə edilib. Keçmiş məmur müxtəlif epizodlar üzrə dəfələrlə prokurorluqda ifadə verib.
Qafqazinfo.az xəbər verir ki, sabiq deputat istintaq zamanı dövlətə dəymiş ziyanı ödəməyə razılaşıb. O, mənimsədiyi milyonlarla vəsaiti büdcəyə geri qaytarıb. Hazırda cinayət işi üzrə istintaq davam etdirilir. Elton Məmmədovun araşdırması davam edən digər epizodlarda da adının keçə biləcəyi istisna edilmir.
Qeyd edək ki, Ramiz Mehdiyev AMEA-ya prezident təyin olunduqdan sonra sadiq adamı kimi E. Məmmədovu “Yüksək Texnologiyalar Parkı”nın direktoru vəzifəsinə gətirmişdi. Sonradan isə o, Akademiyanın işlər idarəsinin müdiri vəzifəsində çalışıb.
