Cari ilin ilk 11 ayı ərzində Türkiyəyə 7,7 milyard kubmetr təbii qaz nəql olunub. Report xəbər verib ki, bu barədə 22 dekabr tarixində energetika naziri Pərviz Şahbazov Azərbaycan-Türkiyə 1-ci Enerji Forumunda deyib.
Nazirin sözlərinə görə, nəql olunan qazın 5,1 milyard kubmetri Trans-Anadolu Qaz Boru Kəməri (TANAP) ilə daşınıb: “Qardaş Türkiyəyə 2018-ci ilin iyul ayından bu ilin dekabr ayınadək TANAP ilə 13,6 milyard kubmetr təbii qaz nəql olunub”.
Nazir, həmçinin qeyd edib ki, Azərbaycan Türkiyə iqtisadiyyatına indiyədək 19 milyard dollardan çox sərmayə yatırıb.
Qeyd olunub ki, 2007-ci ildən Türkiyəyə “Şahdəniz” yatağından 85 milyard kubmetrdən çox təbii qaz ötürülüb.
