“Azərpoçt” MMC Ümumdünya Poçt İttifaqının yeni tətbiqinə qoşulub. Bu haqda Rəqəmsal İnkişaf və Nəqliyyat Nazirliyinin səhifəsində 19 noyabr tarixində məlumat verilib.
Müştəri xarici ölkəyə poçt göndərmək üçün məhsul haqqında məlumatı EAD (Electronic Advance Data – İlkin Elektron Məlumatlar) mobil tətbiqinə daxil edərək şifrə əldə edir. Daha sonra həmin şifrəni poçt şöbəsinin əməliyyatçısına təqdim etməklə zamana qənaət etmiş olur. EAD tətbiqi gömrük bəyannaməsinin doldurulması xidmətini daha da tezləşdirir.
Həmçinin müştəri tətbiq vasitəsilə xarici ölkəyə göndəriş zamanı hansı malların qadağan olunduğu barədə məlumat əldə edə bilir.
Mobil əlavəni “Play Market” və ya “AppStore”-dan yükləmək mümkündür.
1500-ə yaxın poçt şöbəsi olan “Azərpoçt” MMC Azərbaycan Respublikasının yeganə milli poçt operatoru olaraq həm fərdi şəxslərə, həm də biznes qurumlarına xidmət göstərir.
[URIS id=13544]
