Qəbələdə kürəkən qayınatasını qətlə yetirib.
İnsanoid.com-un əldə etdiyi məlumata görə, hadisənin istintaqı Şəki Ağır Cinayətlər Məhkəməsində keçirilib.
Belə ki, Nicat Əsgərov (ad şərtidir) 1981-ci ildə Qəbələ rayonunda doğulub. O, ötən ilin avqust ayının 1-i Qəbələ şəhərinin mərkəzində yerləşən kafedə spirtli içki qəbul etdikdən sonra evə qayıdıb. Həyat yoldaşı Aygün Əsgərova (ad şərtidir) və oğlu Nihad Əsgərovun (ad şərtidir) evdə olmadığını görərək qayınatası Rafiq Qubatova zəng edib. Ailə üzvlərinin onların evində olduğunu öyrəndikdən sonra qayınatasını mütəmadi olaraq ailə işlərinə müdaxilə etdiyinə görə öldürmək qərarına gəlib. Bu qərarını zəng edib atasına dedikdən sonra bıçaq götürərək Rafiq Qubatovun evinə yollanıb. Yarımtikilidə gizlənib onun evə gəlməsini gözləyib. Qayınatasının gəldiyini görüb gizləndiyi tikildən çıxaraq yanına yaxınlaşıb. Arvadı, uşaqları və qayınanasının gözləriqarşısında Rafiq Qubatovu 12 dəfə bıçaqlayaraq amansızca həyatdan məhrum edib. Daha sonra atasına zəng edərək “mən keyfim istəyəni etdim, öldürdüm Rafiqi” deyərək oradan uzaqlaşıb.
Nicat Əsgərov Azərbaycan Respublikası CM-nin 120.2.4 və 120.2.9-cu (amansızca həyatdan məhrum etmə) maddələri ilə təqsirləndirilib.
Məhkəmədə təqsirləndirilən şəxs qismində dindirilən Nicat Əsəgərov ona qarşı irəli sürülən ittiham üzrə özünü qismən təqsirli bilərək ifadəsində göstərib:
“Qayınatamı öldürmək niyyətim olmayıb. Arvadımın və uşaqlarımın evdə olmadığını görüb əsəbiləşdim. Onlara zəng etsəm də, telefona cavab vermədilər. Qayınatamgiləgetdiklərini eşidib daha da əsəbiləşib evdə içki içməyə başladım. Həmin vaxt içkili vəziyyətdə olduğum üçün bəzi halları xatırlamasam da, istintaq zamanı mənəməlum oldu ki, həmin gün atama zəng edərək qayınatamı bıçaqlayacağımıdemişəm. Evdən bıçaq götürərək onlara getdim. Qayınanam məni yaxşı qarşılasa da, qayınatam sərt reaksiya göstərdi. Ona“bizim ailə işlərimizə qarışma, yoldaşımla aramızda olanları özümüz həll edərik” deyə bildirdim. Rafiq söyüş söyməyə başladığı üçün özümdən asılı olmadan bıçaqla onu bir neçə dəfə vurdum”.
Daha sonra zərərçəkmişin hüquqi varisi, arvadı Əsmayə Qubatova ifadə verib:
“Hadisə axşam saat təxminən 22 radələrində baş verib. Evə gələndə kürəkənim Nicat qəfildən qarşıma çıxdı. Onun əlində bıçaq olduğunu görəndə uşaqları dalan tərəfə göndərdim. Nicatla Rafiq bir-birini söyməyə başladılar. Həmin vaxt kürəkənim dayanmadan ərimi bıçaqladı. O, bıçaqladıqca Rafiq “Nicatvurma” deyərək qışqırıb haray saldı. Çoxlu qan itirdiyinə görə həyatını xilas etmək mümkün olmadı”.
Məhkəmədə aparılan istintaq və tərəflərin çıxışları ilə Nicat Əsgərovcinayət üzrə təqsirli bilinib.
Məhkəmənin qərarı ilə Nicat Əsgərov 17il müddətində azadlıqdan məhrum edilib.
Fidan İlqar
